من اساسيات حياتي الان الاكتئاب .. لازم يمر عليا ويزورني كل فتره وساعات يزور ويخفف وساعات يرخم ويطول
والاسباب كتيــــــــــــــــــــــــــــر
كل حاجه في الحياه تجيب اكتئاب دلوقتى
شغلك بيتك النا مواصلاتك العربيات الزحمه الخلق اللي بتشوفها في الشارع الاكل والشرب والهوا والتراب والتلوث والامراض ... باختصار العيشه واللي عايشينها
كتير بفكر اعمل اجازه بدون مرتب واروح اعيش بمكان زي المالديف مثلا
معرفش فيه حد ولا حد يعرفني
واشتغل انشالله روم سرفيس
اعيش في مكان هادي مفهوش تعقيدات الحياه اللي احنا دافنين نفسنا وسطها.
لما بصيت انا عايش حياة شكلها ايه لقيتها حياة بتكتفك وبتحصرك في صراعات كبيره ملهاش هدف مهم
يعني تلاقي نفسك طالع عينك في شغل مبتحبوش وملوش مستقبل حقيقي
وبتحارب عشان تسكن في مباني ضيقه حواليها زحمه وخنقه وبتطل على شوارع وتراب وسيارات ودخان وقرف
وبتصارع بشغلك عشان تجيب فلوس تاكل وتشرب بيها وبس
مفيش استمتاع حقيقي بالحياه
يعني عايش تحرق في دمك وحابس نفسك في علبة تونه وفي الاخر مش عايش
بتاكل وتشرب عشان تروح الشغل .. وبتشتغل عشان تجيب تمن اللي هتاكلو وبس
هي دي الحياه ؟؟!!!!!!!!!!!!!!!!!!
